სპორტულ-გამაჯანსაღებელი კომპლექსი

სულ მალე თბილისი ჰილსს ქვეყანაში ყველაზე დიდი სპორტულ-გამაჯანსაღებელი კომპლექსი დაემატება. სპორტულ-გამაჯანსაღებელი კომპლექსი თბილისი ჰილსში განტვირთვისა და დასვენების ფუნქციას შეითავსებს მაცხოვრებლებისა თუ სტუმრებისათვის და უკონკურენტო სივრცეს შესთავაზებს მათ, ვინც უპირატესობას ფიზიკურ კეთილდღეობას ანიჭებს.

არაერთი ჯილდოს მფლობელმა და საერთაშორისოდ აღიარებულმა, ესპანურმა არქიტექტურულმა კომპანიამ, OAB Studio-მ უკვე დაასრულა პროექტის დიზაინზე მუშაობა და კომპლექსის მშენებლობაც თბილისი ჰილსში სულ მალე დაიწყება. პროექტის უნიკალური მდებარეობა გულგრილს არავის დატოვებს, რადგან კომპლექსიდან იშლება 360 გრადუსიანი პანორამული ხედები შავნაბადას მონასტერსა და ქალაქის პეიზაჟზე.

თბილისი ჰილსის ახალი წამოწყება კომპლექსის სტუმრებისა და მაცხოვრებლების ინდივიდუალურ საჭიროებებზე იქნება მორგებული. ტერიტორიაზე განთავსდება ღია და დახურული საცურაო აუზები, მათ მეზობლად კი მოეწყობა მზის აბაზანების მისაღებად განკუთვნილი მოსასვენებელი სივრცე. მეორე სართულზე განთავსდება კაფე ტერასა, გასაოცარი ხედებისა და მშვიდი ატმოსფეროს ფონზე. მეტი რელაქსაციისათვის მომხმარებლებს ასევე ექნებათ შესაძლებლობა ესტუმრონ სპასა და საუნას.

კომპლექსში მოეწყობა ჩოგბურთისა და პიკელბოლისთვის განკუთვნილი მოედნები, სატრენაჟორო დარბაზი და იოგას ოთახი. გარდა ამისა, კომპლექსში გათვლილია დიდი ლაუნჯისა და სამუშაო სივრცის არსებობა მათთვის, ვისაც მუშაობა ტერიტორიის დატოვების გარეშე სურს.