Tbilisi Hills

Residences

Tbilisi Hills Golf&Residences – ყველაზე მასშტაბური, ინოვაციური და პრესტიჟული პროექტია, რომელსაც არ გააჩნია ანალოგი საქართველოს უძრავი ქონების ბაზარზე.

იცხოვრე სრულყოფილებაში

სრულყოფილება დეტალებში

Tbilisi Hills Golf&Residences – უნიკალური ადგილი საქართველოში, სადაც შესაძლებელია ცხოვრება ხმაურიანი თბილისის ცენტრთან ახლოს, სულ რაღაც 15 წუთში, ბუნებასთან ჰარმონიით. პროექტის ზოგად კონცეფციას შეგვიძლია ვუწოდოთ-ჰარმონია ბუნებასა და საკუთარ თავთან.  ეს არის უძრავი ქონების ერთ-ერთი პირველი პროექტი კავკასიაში, რომელშიც გათვლილია თითოეული დეტალი: უნიკალური ეკოლოგიური პირობების, ევროპული სტანდარტებისა და აქტიური სპორტული თუ სოციალური ცხოვრებისათვის შექმნილი ინფრასტრუქტურის კომბინაცია.

პირველი და ერთადერთი საქართველოში

Tbilisi Hills – ს გააჩნია 18-ფოსოიანი პროფესიული გოლფის მოედანი. გოლფ-კომპლექსი იკავებს 110 ჰექტარს, მთლიანად შეესაბამება ევროპულ სტანდარტებს და მზად არის უმასპინძლოს საერთაშორისო ტურნირებს.

გოლფი ძალიან პოპულარული სპორტის სახეობაა მთელ მსოფლიოში, ვინაიდან მისი თამაში შეუძლიათ სხვადასხვა ასაკის ადამიანებს: 7-დან 77 წლამდე. მიუხედავად იმისა, რომ სპორტის ეს სახეობა მარტივი არ არის და მოითხოვს ნიჭსა და ძლიერი ხასიათს, ის იზიდავს არა მხოლოდ პროფესიონალებს, არამედ მოყვარულებსაც.

ქალაქი ხელის გულზე

კომპლექსი ორგანულად არის ინტეგრირებული საქართველოს განუმეორებელ ლანდშაფტში: ის მდებარეობს გორაკზე, საიდანაც იშლება პანორამული ხედი თბილისის შემოგარენზე, ყაზბეგის მთასა და შავნაბადას მონასტერზე.

შთამბეჭდავ ხედებს ავსებს საუცხოო ეკოლოგია: მშვენიერი ტყის ატმოსფერო, სუფთა ჰაერი, კომფორტული კლიმატი. ყოველივე ეს ქმნის იდეალურ პირობებს მშვიდი და ბედნიერი ცხოვრებისათვის.

ინფრასტრუქტურა

მაცხოვრებლებისა და სტუმრების კომფორტისთვის Tbilisi Hills-ში იზრუნეს თითოეულ დეტალზე. გარდა გოლფის მოედნისა, Tbilisi Hills-ის განკარგულებაში იქნება მდიდარი ინფრასტრუქტურაა: საერთაშორისო აკადემია ლოგოსი, ბაღი, ღია საცურაო აუზი სპორტ დარბაზი , SPA, ჩოგბურთის კორტები, ქლაბ ჰაუსი, სასტუმრო, რესტორნები და მრავალი სხვა

აბსოლუტური კომფორტისათვის კომპლექსი აღჭურვილია 24/7 უსაფრთხოების სისტემითა და სათვალთვალო კამერებით მთელ ტერიტორიაზე.

ბუნებასთან თანხვედრაში

მთავარი ამოცანა, რომელიც კომპლექსის მშენებლობასთან იყო დაკავშირებული, ბუნებრივი სიმდიდრისა და რეგიონის ბიოლოგიური მრავალფეროვნების შენარჩუნება გახლდათ. Tbilisi Hills-ში ყოფნისას თქვენ შეიძლება შეხვდეთ კურდღლებს, იშვიათი ჯიშის კუებსა და სხვადასხვა ფრინველს. ლანდშაფტის გათვალისწინებით დაგეგმილი და შესრულებული პროექტი იდიალურად შეერწყა გარემოს. სუფთა ჰაერი და სიგრილე–პირველია, რასაც აღნიშნავენ Tbilisi Hills-ის სტუმრები. ქალაქის ცენტრთან შედარებით ტემპერატურა კომპლექსის ტერიტორიაზე 4 გრადუსით ნაკლებია, რაც იგრძნობა ცხელ ზაფხულში. აგრეთვე, Georgian Water and Power-სა და ლატვიური კომპანია MODO GROUP-თან თანამშრომლობით ჩატარებული კოლოსალური სამუშაოს წყალობით, კომპლექსის მაცხოვრებლები უზრუნველყოფილნი იქნებიან სუფთა და, რაც ძალიან მნიშვნელოვანია, ბუნებრივი სასმელი წყლით.

«ჭკვიანი სახლი»

ყველა სახლი აღჭურვილია გათბობის, ვენტილაციისა და სენსორული კონდიცირების სისტემებით. მყიდველის სურვილისამებრ, შესაძლებელია მათი მოწყობა ელექტრომომარაგების ნახევრად ავტონომიური სისტემით, მზის ბატარეებითა და ენერგოდაზოგვის მასალების გამოყენებით, რაც მათ უფრო ეკოლოგიურს და ეკონომიურს ხდის.

უძრავი ქონება

მდებარეობა

ქალაქის ისტორიული ცენტრიდან Tbilisi Hills-მდე მისასვლელად დაახლოებით 15 წუთია საჭირო. კომპლექსში მოხვედრა შესაძლებელია როგორც პანორამული გზით კრწანისიდან, ასევე რუსთავის გზატკეცილით.